Студиската програма по Менаџмент на квалитет, произлегува од потребата да се оспособат менаџерски кадри кои ќе бидат стручни во менаџирањето со квалитетот во производствени и услужни организации. Програмата тежнее кон развој на компетенции за примена на современите стандарди и тековни модели за менаџмент со квалитет, оспособување за користење на информациски системи и алатки за менаџирање со ризици и квалитет, поттикнување на претприемачки и иновативен дух за креирање на конкурентска предност во организациите, стекнување на компетенции за стратегиско размислување кон квалитетот и одржливиот развој преку менаџирање со тековните организациски процеси.

Програмата по Менаџмент на квалитет е прилагодена според потребите на пазарот на труд преку:

• обезбедување компетенции за менаџирање со квалитет и иновации;
• подготвување студенти за работа во различни сектори, вклучувајќи производствени, услужни, како и јавни институции.
• поттикнување развој на мали и средни претпријатија преку стручна поддршка за воведување на системи за квалитет.
  
  

Профилот на дипломираните студенти вклучува вештини за воведување и одржување на системи за менаџирање со квалитетот, преку менаџирање со процесите и тимовите и примена на социјално одговорни и етички практики.

Програмата нуди комбинација од теоретски основи и практични примери, со цел студентите да се подготват за динамичната и барана професија – менаџер за квалитет и има за цел да изгради професионалци кои ќе придонесуваат кон развој на организациска култура насочена кон извонредност, ефикасност и задоволство на корисниците.

Со оваа програма не само што градат практични компетенции, се создава и основа за понатамошен академски или професионален напредок во областа на менаџментот на квалитет.

Називот на дипломата по завршување на студиската програма е: Висок стручен менаџер за квалитет.