• размислуваат стратешки и да креираат долгорочни визии кои се усогласени со принципите на одржливост;
• формулираат на динамични стратегии за усогласување на организациските ресурси со промените во екстерното окружување, кои ќе обезбедат одржлив развој на долг рок;
• развиваат сеопфатни решенија за бизнис проблемите поврзани со одржливиот развој со синтеза и евалуација на информации и користење на квалитативно и квантитативно аналитичко расудување;
• донесуваат ефективни менаџерски одлуки кои покажуваат високи етички стандарди и општествена одговорност како во глобално окружување, така и во окружување на културни разноликости;
• ја користат ефективно технологијата во организацијата со цел да се постигне супериорна изведба, стратегиска ефективност и оперативна ефикасност, што ќе овозможат конкурентност и одржливост на организацијата на долг рок;
• применуваат докажани менаџерски теории и практики за решавање на широк спектар организациски прашања во насока на одржлив организациски развој;
• размислуваат стратегиски за одржливост, во насока на современите предизвици кои се резултат на промените во опкружувањето, посебно на оние кои се однесуваат на дигитализацијата и зелената транзиција.

Со завршување на студиската програма по Стратегиски менаџмент за одржлив развој студентите ќе стекнат компетенции што ќе им овозможат во организациите во кои ќе работат да можат успешно да придонесат во долгорочниот и одржлив развој на организацијата, а секако и да придонесат за успешна имплементација на формулираните стратегиски планови, преку успешно менаџирање со човечките ресурси, правилна алокација на финансиите и менаџирање со промените и иновациите.

Кадарот што произлегува од оваа програма е подготвен не само да се вклучи во постојните структури, туку и да иницира промени. Преку научно заснован и етички ориентиран пристап, дипломираните студенти се подготвени да бидат двигатели за одржлив развој на национално и меѓународно ниво.

Наставата се одвива во мали групи, а распоредот е таков се слуша и полага предмет по предмет. Секој предмет има 3 клучни активности и тоа: 4 предавања по предмет, изработка и презентација на проектен извештај и полагање испит. Наставата се одвива попладне и не е само класично теоретско предавање од професорот, туку во секој ден се опфатени и студии на случај, тимска работа и дебати на темата, така што наставата е максимално интерактивна и се базира на размена на искуства.

The title of the diploma after successful completion of studies is Специјалист стручен по стратегиски менаџмент за одржлив развој.