Избери БАС!
Избери модерна и современа студиска програма! Твојот избор денес е твојата кариера утре! Зошто да студираш Менаџмент на квалитет? Барана професија на пазарот на трудот Универзална примена Подготвеност за работа со меѓународни стандарди Поддршка за претприемништво Квалитетот започнува со тебе. Уписите се во тек!
Честит Велигден!
Нека Велигден донесе мир, љубов, здравје и радост во секој дом. Ви посакуваме празнични денови исполнети со среќа, надеж и благосостојба, поминати со најблиските.Среќен Велигден!
Различни култури – заеднички вредности
На 09.04.2026 во “Сумнал-Битола”, заедно со нашите студенти од Кариерниот центар и учениците од ООУ “Ѓорѓи Сугарев” – Битола, креираме простор каде учевме едни од други. Преку креативна велигденска работилница, децата имаа можност да се запознаат со традицијата, симболиката и вредностите што ги носи Велигден – љубов, заедништво и нов почеток. Затоа што вистинските вредности не познаваат разлики – тие поврзуваат.
БАС им оддаде признание на најпосветените партнери и ментори
Со особена чест и задоволство ја изразуваме нашата искрена благодарност до сите партнерски организации со кои заедно градиме квалитетно и современо високо образование. Особено сме горди што денес им оддаваме признание на избраните најдобри партнерски организации и ментори, кои со својот ангажман и посветеност поставуваат високи стандарди и претставуваат вистинска инспирација. @vitanovaza @webiart.digital @marijakovaci @sarafashionofficial @predragstojkovski @nova_solutions Вашата посветеност, професионалност и поддршка се клучен дел од успехот на нашите студенти и нашата институција. Преку заедничката соработка, овозможуваме практично знаење, развој на вештини и реални искуства кои оставаат траен белег. Ви благодариме што сте дел од нашата приказна и што заедно создаваме подобра иднина!
Студенти на директорската листа на БАС
Упатуваме искрени честитки до студентите кои се најдоа на директорската листа за нивниот извонреден успех и особен придонес во активностите на Бизнис академија Смилевски – Викторија Србиновска Зорица Николовска Марија Ковачи Овие студенти се вистински пример за посветеност, труд и професионалност, и претставуваат инспирација за целата академска заедница. Нивниот успех е резултат на континуирана работа, амбиција и желба за напредок. Им посакуваме многу успех како на личен така и на професионален план!
Проф. д-р Гордана Тасевска: „Горди сме на новата генерација дипломци на БАС“
Интервју со директорката на БАС, проф. д-р Гордана Тасевска, која зборува за значењето на свечената церемонија на доделување дипломи, бројот на дипломирани студенти и идните планови на институцијата Дознајте повеќе во видеото https://www.facebook.com/share/v/18JpwnUNvD/
БАС ја одбележа свечената церемонија на доделување дипломи
Во Битола, во Народниот театар, на 05.04 се одржа свечената церемонија на доделување дипломи на студентите од прв и втор циклус на студии на Бизнис академијата Смилевски БАС. Настанот се одвиваше во свечена атмосфера, во присуство на професори, дипломци, нивните семејства и бројни гости. Вкупно 108 студенти успешно го завршија првиот циклус на студии, додека 31 студент ги комплетираа постдипломските студии, односно вториот циклус. Пред присутните се обратија директорката проф. д-р Гордана Тасевска, еден од основачите, проф. д-р Цветко Смилевски, заменик директорот проф. д-р Тони Соклевски и проф. д-р Лидија Стефановска. Ви посакуваме успех и исполнување на сите лични и професионални цели!
Доделување дипломи на БАС
Денес, во просториите на Народниот театар во Битола, се одржа свечената церемонија на доделување дипломи за прв и втор циклус на студии на БАС. Голема честитка до сите дипломци — продолжете храбро, градете го својот пат и оставете свој печат во светот што ве чека!
БАС доделување на дипломи
Не е крај. Ова е моментот што отвора врати. Каде што вложениот труд станува признание, а знаењето – сигурен чекор кон иднината. Народен театар Битола 05.04.2026 12:00 часот Генерација што не чека шанса – туку ја создава. #BAS#GraduationDay#NextLevel#ProudMoment
Склучен меморандум за соработка помеѓу Бизнис академија Смилевски и Ветеринарниот факултет во Битола
Денес официјално го зацврстивме партнерството! Помеѓу Бизнис академија Смилевски и Ветеринарниот факултет во Битола беше потпишан Меморандум за соработка, инициран преку соработката на двата кариерни центри. Како одличен старт на оваа приказна, проф. Билјана Галовска одржа инспиративно предавање за студентите од двата факултета на тема: „Од студент до професионалец – коучинг алатки за успешен кариерен развој“. Оваа соработка не е само формалност – таа отвора нови врати за знаење, развој и реални можности за студентите.