Започнати активности на два нови развојно-истражувачки проекти на БАС

Бизнис Академија Смилевски (БАС) започна активности за реализација на два значајни истражувачко-развојни проекти насочени кон унапредување на високото образование и развој на партнерските организации. Проектите ќе овозможат создавање нови знаења, практични решенија и зајакнување на соработката помеѓу академската заедница и бизнис секторот. Акциско истражување: „Развој на организациските капацитети за подобрување на организациската виталност на партнерските организации“Првиот проект е насочен кон јакнење на организациската виталност и одржливост на партнерските организации на БАС преку заеднички развојни интервенции, организациско учење и имплементација на конкретни подобрувања во работењето. Предвидени се активности за дијагностицирање на организациските потреби, формирање развојни тимови, дизајнирање и имплементација на организациски промени, следење на ефектите од интервенциите и споделување на добрите практики. Во процесот активно ќе бидат вклучени наставници, студенти, ментори и претставници на партнерските организации. Развојно истражување: „Влијанието на вештачката интелигенција и дигитализацијата врз содржината и процесот на високото образование“Целта на проектот е да се истражи степенот на примена на вештачката интелигенција и дигитализацијата во компаниите во Северна Македонија и врз основа на добиените сознанија да се предложат подобрувања во студиските програми, наставните методи и системите за оценување во високото образование. Во рамки на проектот ќе се реализираат теренски истражувања во партнерски компании од Пелагонискиот и Вардарскиот регион, анкетирање и интервјуа со менаџери, анализа на потребните компетенции на идните кадри, како и работилници со наставниот кадар за модернизација на наставните содржини и процеси. Со реализацијата на овие проекти, БАС го зајакнува својот стратешки фокус кон иновации, дигитална трансформација и развој на современи организациски практики, создавајќи дополнителна вредност за студентите, компаниите и пошироката општествена заедница.

НАСТАВНА РАБОТИЛНИЦА

Кога наставниците учат, студентите добиваат повеќе. Преку вакви активности продолжуваме да ги унапредуваме наставните процеси, во согласност со современите принципи на Outcome-Based Education (OBE) и ESG стандардите за обезбедување квалитет. Заедно создаваме квалитетно, транспарентно и студентски ориентирано образование.

Една вечер. Безброј спомени

Со многу емоции, насмевки и незаборавни моменти, нашите апсолвенти го заокружија едно од најубавите поглавја во нивниот живот и зачекорија кон нови предизвици и можности. Вечер исполнета со радост, дружење и моменти што ќе останат засекогаш врежани во сеќавањата. Честитки до сите апсолвенти! Ви посакуваме храбро да чекорите кон иднината, да ги следите своите соништа и да продолжите да ги остварувате своите цели со истата посветеност и истрајност. Горди сме на сè што постигнавте и веруваме дека најубавите успеси допрва ве очекуваат. Вашето време допрва доаѓа.

Мрежата на партнерски организации на БАС продолжува да расте!

Со задоволство го поздравуваме наш нов партнер – Сметководствено биро ,,Сим Холдинг,, од Битола. Нови партнерства значат и нови можности за нашите студенти – повеќе практично искуство, нови знаења и чекор поблиску до успешна кариера.

Работен состанок со нашите колеги од Veleučilište Lavoslav Ružička Vukovar

И вториот ден од нивната посета помина во пријатна средба и размена на искуства, како и разгледување на можности за понатамошна соработка и заеднички иницијативи. На состанокот присуствуваат и еден од оснивачите, проф. д-р Цветко Смилевски и директоркага на БАС, проф. д-р Гордана Тасевска.

Заедно кон нови можности: Посета на партнерите од Veleučilište Lavoslav Ružička Vukovar, Р. Хрватска

Во посета на БАС денес во рамките на Еразмус + програмата беа нашите колеги од Veleučilište Lavoslav Ružička Vukovar. Преку пријатна средба и размена на искуства, разговаравме за понатамошната соработка и заеднички иницијативи.

9та меѓународна научна конференција БАС 2026

Деветтата меѓународна научна конференција „Академски и консултантски предизвици за обезбедување организациска виталност“ успешно ги обедини академската заедница, истражувачите и професионалците во заедничка дискусија посветена на актуелните предизвици и можности за развој на современите организации. Мисијата на конференцијата е размена на нови идеи и пристапи кон менаџерските предизвици поврзани со обезбедување организациска виталност во динамична средина, преку презентирање на резултати од современи научни истражувања во организациските науки, менаџментот, економијата, информатичките науки и образованието, размена на искуства и конструктивен дијалог. Конференцијата придонесе кон продлабочување на научните сознанија и јакнење на соработката помеѓу академијата и практиката.

Генерација 2025/26

  Години труд, знаење и незаборавни спомени собрани на едно место. Денес гордо го претставуваме Таблото на апсолвентите. Секоја фотографија раскажува приказна за посветеност, раст и остварени цели, а секое име е дел од наследството на БАС. Честитки и среќно во новите предизвици! 

Бизнис академијата Смилевски – БАС Битола ја организира 9та меѓународна научна конференција „Современите менаџерски предизвици и организациските науки (Bitola news)

Бизнис академијата Смилевски – БАС Битола, на 5 јуни 2026 година ќе биде домаќин на Деветтата меѓународна научна конференција „Современите менаџерски предизвици и организациските науки“, која годинава ќе се одржи со предметен фокус: „Академски и консултантски предизвици за обезбедување организациска виталност“. Конференцијата се организира од БАС Институтот за менаџмент – Битола и Бизнис академијата Смилевски – БАС Битола, во соорганизација со Високата техничка школа за стручни студии од Зрењанин, Република Србија и Универзитетот за применети науки „Лавослав Ружичка“ од Вуковар, Република Хрватска. Настанот ќе се реализира во просториите на БАС во Битола, на ул. „Херцег Нови“ бр. 6, и ќе обедини претставници од академската, научната, консултантската и деловната заедница. Во фокусот на конференцијата ќе бидат современите предизвици поврзани со организациската виталност, системското размислување, стратегискиот менаџмент, лидерството, професионалната и менаџерската сукцесија, дигитализацијата, вештачката интелигенција и организацискиот имун систем. Преку тематски форумски секции ќе се дискутира за начините на кои организациите можат да ја задржат својата стабилност, адаптибилност и развојна способност во услови на динамични промени. Конференцијата има за цел да поттикне научна и стручна дебата, размена на искуства и воспоставување нови форми на соработка меѓу академската заедница, консултантите, институциите и деловниот сектор. Повеќе информации се достапни на официјалната веб-страница: www.bas-konferencija.mk

ДЕВЕТТА МЕЃУНАРОДНА НАУЧНА КОНФЕРЕНЦИЈА

Бидете дел од академска и професионална размена на идеи, истражувања и современи пристапи во организациските науки. www.bas-konferencija.mk #BAS2026#Conference#OrganizationalVitality#Science#Bitola