Oтворен ден и патрон празник на АСУЦ „Боро Петрушевски“ – Скопје
На 22.04.2026, бевме дел од отворениот ден и патрониот празник на АСУЦ „Боро Петрушевски“ – Скопје. Како дел од БАС, имавме можност одблиску да ги видиме образовните насоки, ученичките проекти и практичните активности што го градат новиот кадар. Во присуство на институции, бизнис сектор и партнери, се отвори простор за нови идеи, соработки и заеднички чекори напред. Ваквите настани не се само презентација — туку вистинска врска помеѓу образованието и реалниот свет.
Уписите се во тек!
Време е за вистински избор. Направи го вистинскиот потег. ДДС програмите се креирани за реалниот свет — вештини што се бараат, искуство што се памети. Вклучи се таму каде што иднината веќе се гради.
Јакнење на академската соработка: Бизнис Академија Смилевски со предавања во Vukovar преку Erasmus+
Во рамките на програмата Erasmus+ беше реализирана еднонеделна посета на University of Applied Sciences Lavoslav Ružička in Vukovar, како дел од активностите за унапредување на академската соработка. Проф. д-р Гордана Тасевска и проф. д-р Лидија Стефановска реализираа предавања во делот на индивидуални мобилности за студентите на Велеучилиштето, а проф. д-р Маја Кузмановска одржа предавање во рамките на програмата BIP: Smart University, Smart Campus III. Оваа посета претставуваше одлична можност за размена на искуства, знаења и добри практики меѓу институциите, со цел понатамошно продлабочување на меѓународната соработка и развој на квалитетот во високото образование.
Од конференција до партнерство: БАС со активна улога на SKEI 2026 во Veleučilište Lavoslav Ružička, Vukovar
Во рамки на активностите поврзани со 11-тата Меѓународна научно-стручна студентска конференција SKEI 2026, која денес се одржува во Вуковар, се реализираше работна средба со претставници од институциите ко-организатори. На средбата учествуваа директорката на БАС, проф. д-р Гордана Тасевска, проф. д-р Лидија Стефановска и проф. д-р Маја Кузмановска. Конференцијата е во организација на University of Applied Sciences “Lavoslav Ružička”, Вуковар, Хрватска, а како ко-организатори се јавуваат: University of Vitez, Travnik (Босна и Херцеговина), University of Novo Mesto (Словенија), Modern Business School (Република Србија), FINRA University Tuzla (Босна и Херцеговина), Kaunas University of Applied Sciences (Литванија) и University of Applied Sciences “Baltazar Zaprešić” (Хрватска). На средбата се дискутираа клучни организациски и програмски аспекти, како и насоки за понатамошно унапредување на соработката меѓу БАС и партнерските институции.
Работилница “Продажба и комуникација”
На 20.04.2026 во просториите на БАС Скопје, како дел од програмата за Кариерниот центар се оддржа првата работилница со партнерската организација ВФП на тема “Продажба и комуникација” Присуствуваа студентите од прва година, каде преку практични примери, работа во групи, симулации и студија на случај се запознаа и стекнаа вештини за ефективна продажба, успешна деловна комуникација и градење односи со клиенти. Преку интерактивниот пристап, учесниците имаа можност да ги унапредат своите презентациски способности, да научат техники за активно слушање, справување со различни типови на клиенти и преговарање во реални деловни ситуации. Работилницата овозможи одлична размена на искуства, поттикна тимска работа и критичко размислување, а студентите покажаа висок степен на вклученост и мотивација. Настанот претставува значаен чекор во практичната едукација на студентите и успешен почеток на соработката помеѓу БАС и ВФП.
ДЕВЕТТА МЕЃУНАРОДНА НАУЧНА КОНФЕРЕНЦИЈА
Повик за учество – БАС 2026 Бизнис академија Смилевски – БАС Ве поканува на9-та Меѓународна научна конференција„Академски и консултантски предизвици за обезбедување организациска виталност“ 4–5 јуни 2026, Битола Последен рок за апстракти: 20.04.2026 Бидете дел од академска и професионална размена на идеи, истражувања и современи пристапи во организациските науки. www.bas-konferencija.mk
Директорката на БАС, проф. д-р Гордана Тасевска, во утринско интервју на МРТ
Како генерација Z ја донесува одлуката за избор на високообразовна устанува? Колку родителите имаат влијание на таа одлука? Како Бизнис академија Смилевски БАС им помага во процесот на осознавање на нивните интереси и избирање на идна професија? Директорката на БАС, проф. д-р Гордана Тасевска, гостин во утринската програма на Македонска радио телевизија со Ване Марковски. Погледнете ја целата емисија на линкот
Горди на нашите студенти!
Денес, на едно место – директорката на БАС, Проф. д-р Гордана Тасевска, Проф. д-р Маја Кузмановска и координаторот за теренска студентска пракса, Спец. Божидар Николовски, и нашите студентки Зорица Николовска и Рашела Гинова кои веќе сигурно чекорат на патот на нивната успешна кариера. Бизнис академија Смилевски не е само место каде што се учи – туку место каде што се создаваат приказни, се градат кариери и се откриваат таленти. Кај нас, студентите не ја чекаат иднината – тие ја создаваат уште денес.
Различни култури – заеднички вредности
На 09.04.2026 во “Сумнал-Битола”, заедно со нашите студенти од Кариерниот центар и учениците од ООУ “Ѓорѓи Сугарев” – Битола, креираме простор каде учевме едни од други. Преку креативна велигденска работилница, децата имаа можност да се запознаат со традицијата, симболиката и вредностите што ги носи Велигден – љубов, заедништво и нов почеток. Затоа што вистинските вредности не познаваат разлики – тие поврзуваат.