НАСТАВНА РАБОТИЛНИЦА

Кога наставниците учат, студентите добиваат повеќе. Преку вакви активности продолжуваме да ги унапредуваме наставните процеси, во согласност со современите принципи на Outcome-Based Education (OBE) и ESG стандардите за обезбедување квалитет. Заедно создаваме квалитетно, транспарентно и студентски ориентирано образование.

Една вечер. Безброј спомени

Со многу емоции, насмевки и незаборавни моменти, нашите апсолвенти го заокружија едно од најубавите поглавја во нивниот живот и зачекорија кон нови предизвици и можности. Вечер исполнета со радост, дружење и моменти што ќе останат засекогаш врежани во сеќавањата. Честитки до сите апсолвенти! Ви посакуваме храбро да чекорите кон иднината, да ги следите своите соништа и да продолжите да ги остварувате своите цели со истата посветеност и истрајност. Горди сме на сè што постигнавте и веруваме дека најубавите успеси допрва ве очекуваат. Вашето време допрва доаѓа.

Заедно кон нови можности: Посета на партнерите од Veleučilište Lavoslav Ružička Vukovar, Р. Хрватска

Во посета на БАС денес во рамките на Еразмус + програмата беа нашите колеги од Veleučilište Lavoslav Ružička Vukovar. Преку пријатна средба и размена на искуства, разговаравме за понатамошната соработка и заеднички иницијативи.

9та меѓународна научна конференција БАС 2026

Деветтата меѓународна научна конференција „Академски и консултантски предизвици за обезбедување организациска виталност“ успешно ги обедини академската заедница, истражувачите и професионалците во заедничка дискусија посветена на актуелните предизвици и можности за развој на современите организации. Мисијата на конференцијата е размена на нови идеи и пристапи кон менаџерските предизвици поврзани со обезбедување организациска виталност во динамична средина, преку презентирање на резултати од современи научни истражувања во организациските науки, менаџментот, економијата, информатичките науки и образованието, размена на искуства и конструктивен дијалог. Конференцијата придонесе кон продлабочување на научните сознанија и јакнење на соработката помеѓу академијата и практиката.

Генерација 2025/26

  Години труд, знаење и незаборавни спомени собрани на едно место. Денес гордо го претставуваме Таблото на апсолвентите. Секоја фотографија раскажува приказна за посветеност, раст и остварени цели, а секое име е дел од наследството на БАС. Честитки и среќно во новите предизвици! 

Бизнис академијата Смилевски – БАС Битола ја организира 9та меѓународна научна конференција „Современите менаџерски предизвици и организациските науки (Bitola news)

Бизнис академијата Смилевски – БАС Битола, на 5 јуни 2026 година ќе биде домаќин на Деветтата меѓународна научна конференција „Современите менаџерски предизвици и организациските науки“, која годинава ќе се одржи со предметен фокус: „Академски и консултантски предизвици за обезбедување организациска виталност“. Конференцијата се организира од БАС Институтот за менаџмент – Битола и Бизнис академијата Смилевски – БАС Битола, во соорганизација со Високата техничка школа за стручни студии од Зрењанин, Република Србија и Универзитетот за применети науки „Лавослав Ружичка“ од Вуковар, Република Хрватска. Настанот ќе се реализира во просториите на БАС во Битола, на ул. „Херцег Нови“ бр. 6, и ќе обедини претставници од академската, научната, консултантската и деловната заедница. Во фокусот на конференцијата ќе бидат современите предизвици поврзани со организациската виталност, системското размислување, стратегискиот менаџмент, лидерството, професионалната и менаџерската сукцесија, дигитализацијата, вештачката интелигенција и организацискиот имун систем. Преку тематски форумски секции ќе се дискутира за начините на кои организациите можат да ја задржат својата стабилност, адаптибилност и развојна способност во услови на динамични промени. Конференцијата има за цел да поттикне научна и стручна дебата, размена на искуства и воспоставување нови форми на соработка меѓу академската заедница, консултантите, институциите и деловниот сектор. Повеќе информации се достапни на официјалната веб-страница: www.bas-konferencija.mk

Една капка денес, нечиј живот утре! Крводарителска акција на БАС

Денес во БАС повторно покажавме дека хуманоста нема цена. Со голема посветеност и чувство на општествена одговорност, нашите студенти и вработени се вклучија во крводарителската акција и уште еднаш потврдија дека мал гест може да значи нечиј живот. Горди сме што градиме млади луѓе кои покрај знаење, носат и човечност, солидарност и свест за заедницата. Дарувај крв – спаси живот.

Инспиративна средба на студентите од БАС со проф. д-р Ersin Irk во рамки на Erasmus+

Студентите од Бизнис Академија Смилевски – БАС имаа чест и задоволство да се запознаат и да разменат искуства со вонр. проф. д-р Ersin Irk, раководител на програмата по логистика при Катедрата за менаџмент и организација на Tokat Gaziosmanpaşa University – Стручното училиште во Зиле, Tokat, Turkey, во рамки на посетата преку Erasmus+ Programme. Средбата помина во одлична атмосфера исполнета со инспиративни разговори, размена на знаења и нови перспективи за меѓународна академска соработка. Ваквите активности претставуваат значајна можност за студентите да стекнат нови искуства, интеркултурни познанства и поширок поглед кон современите бизнис и логистички практики.

Образование по ваша мерка

Образование по мерка на студентите — со практично знаење, современ пристап и професори кои секогаш се достапни за поддршка, насока и мотивација Линк до видеото тука https://www.facebook.com/share/r/1Dp4ng31Do/ Место каде што не се добива само сувопарно теоретско знаење, туку искуство, самодоверба и вештини применливи во реалниот свет Разгледајте ја веб-страницата и дознајте повеќе за можностите кои ве очекуваат: www.bas.edu.mk

БАС со младите спортисти

На училишниот турнир одржан на 14.05.2026 година, свој настап имаше и одбојкарскиот клуб „Пулевски Волеј“! Со тимски дух, енергија и спортска посветеност, младите одбојкари покажаа дека спортот е вистинска школа за дисциплина, пријателство и успех. Бизнис Академија Смилевски – БАС верува во младите спортисти и со гордост ги поддржува нивните таленти, амбиции и спортски развој. Продолжете храбро кон нови победи!