Научете од најдобрите: Драгица Корењак гостува во БАС
Бизнис академија Смилевски БАС во соработка со Капитал финансиски центар ве покануваат на ексклузивно предавање со Драгица Корењак – автор, експерт за продажба и предавач со долгогодишно искуство. Не ја пропуштајте оваа единствена можност за учење и инспирација! Пријавете се на следниов линк: https://forms.gle/eiq1JxnHNGnYz89g6 За подетални информации, посетете ја веб-страницата на Капитал финансиски центар: https://www.facebook.com/Capitalfinansiskicentar
Деветта меѓународна научна конференција„Современи менаџерски предизвици и организациски науки“
Со особена чест Ве покануваме да бидете дел од Деветтата меѓународна научна конференција„Современи менаџерски предизвици и организациски науки“, со тематски фокус „Академски и консултантски предизвици за обезбедување организациска виталност“. Конференцијата ќе се одржи во Битола, на 4 и 5 јуни 2026 година, и ќе претставува значајна платформа за размена на научни и практични сознанија во областа на менаџментот и организациските науки. Детални информации за конференцијата и условите за учество – наскоро!
Студирај бизнис, маркетинг или менаџмент на квалитет на БАС
Студирајте во модерна високообразовна установа со практична настава , во мали групи, целосно дигитализирани материјали и можност за Еразмус+ искуства https://www.facebook.com/share/r/1GrC2vYgHZ/ Биди дел од генерацијата која го менува светот! Биди дел од БАС! Уписи наскоро! stay tuned
Среќен Божиќ
Во овие светли празнични денови, Бизнис академија Смилевски БАС, упатува искрени желби за здравје, мир, нова надеж и духовна радост до сите наши студенти, професори, соработници и пријатели. Нека овој ден Ви донесе топлина во срцата, спокој и сила за сите животни и професионални предизвици што следуваат. Како што учи Малиот принц: „Човекот гледа добро само со срцето. Суштината е невидлива за очите.“ Затоа, во овие празнични денови, кога светот брза и брои време, успех, признанија, резултати, Божиќ нè учи да застанеме, да слушаме и да се грижиме едни за други . Знаењето, човечноста и добрината се вредности што остануваат засекогаш — токму тие нè прават вистински богати . Нека срцето нè води кон добрина, внимание и споделување со другите . Со желба празниците да Ви донесат светлина, мир и искрена радост во секој дом, Ви посакуваме среќен Божиќ .
Среќна Нова 2026 година!
Бизнис академија Смилевски БАС Ви посакува година исполнета со здравје, мир и нови можности за учење, личен и професионален развој, како и заеднички успеси. Нека 2026 биде година во која ќе продолжиме да ги негуваме заедништвото, посветеноста и чесноста, како вредности кои нè водат кон силна академска заедница и одговорно општество. Со верба во знаењето и силата на заедничката работа, Ви посакуваме успешна, стабилна и инспиративна година. Бизнис академија Смилевски БАС
Празнична хуманитарна иницијатива на Кариерниот центар при Бизнис академија Смилевски – БАС во Дом за стари лица „Сју Рајдер“ 🎄✨
Во духот на солидарноста, грижата, споделувањето и празничната радост, Кариерниот центар на Бизнис академија Смилевски БАС и оваа година реализираше значајна празнична иницијатива . Една шолја кафе , една искрена насмевка и чувството дека некој мисли на тебе — тоа е вистинската празнична магија. По повод Новогодишните празници, го посетивме Домот за стари лица „Сју Рајдер“ во Битола. Со мал гест подаривме голема радост и топлина во срцата , потсетувајќи дека грижата за заедницата и човечките вредности се дел од нашето секојдневно делување . На сите им посакуваме среќни и исполнети празници, со многу здравје, насмевки и убави моменти
Благодарница за неизмерна доверба и долгогодишна поддршка на настанот „Жени претприемачи“
Проф. д-р Гордана Тасевска, директор на Бизнис академија Смилевски, во име на институцијата прими благодарница за несебичната и континуирана поддршка што БАС со години ја дава на настанот „Жени претприемачи“, кој оваа година се одржа по 8-ми пат Неизмерно сме благодарни за можноста да бидеме дел и да придонесеме кон вакви исклучително значајни иницијативи кои имаат силен импакт врз општеството, а особено врз жените и нивното претприемачко охрабрување Настанот секогаш изобилува со инспиративни говорници, моќни приказни и автентични искуства кои го будат и зајакнуваат претприемачкиот дух кај секој присутен. Голема благодарност до организаторите KASIA EVENTS – Катерина Котлареска и Борис Ефтимовски за укажаната доверба и беспрекорната организација. Во продолжение споделуваме дел од атмосферата, дополнително збогатена со присуството на нашите студенти, кои со својата енергија, љубопитност и млад дух дадоа посебна вредност на настанот
Промовиран уште еден доктор на науки на Бизнис академија Смилевски БАС д-р Горазд Смилевски
На оваа промоција на највисокиот научен степен се прославува академскиот успех кој е врв на долгогодишна посветеност, истражување и професионален раст. Во видеото ќе слушнете дел од инспиративното обраќање на д-р Смилевски, кој ја споделува својата визија и инспирација за темата на неговиот докторски труд. Честитки докторе! Линк до видеото: https://www.facebook.com/reel/833120572899549
Инспиративно предавање за финансиска писменост на БАС од Славчо Утковски, финансиски советник во WVP Group
Денес на БАС се одржа исклучително инспиративно и динамично предавање од Славчо Утковски, финансиски советник во WVP Group. Студентите имаа можност да ја продлабочат темата Финансиска писменост преку практични примери, корисни насоки и современи пристапи кон личните финансии. Ваков тип на предавања ја збогатуваат академската средина и создаваат реална вредност за идните професионалци. Продолжуваме со активности што мотивираат и поттикнуваат развој
Признание за долгогодишна соработка со БАС Битола по повод 65 години Факултет за Биотехнички науки – Битола
По повод 65 години Факултет за биотехнички науки – Битола, проф. д-р Елена Јошевска додели признание за одличната и долгогодишна соработка со Бизнис академија Смилевски – БАС Битола. Признанието во име на БАС го прими проф. д-р Тони Соклевски, заменик директор, заедно со претставници од академската заедница. Голем јубилеј, силно партнерство и уште многу заеднички проекти пред нас.