• Право на запишување на прв циклус на студии имаат кандидати кои положиле државна матура или меѓународна матура.
• Право на запишување имаат и кандидатите кои завршиле четиригодишно средно образование според прописите кои важеле пред воведувањето на државната матура, односно пред 2007/2008година.
• Право на запишување имаат и кандидатите кои имаат завршено средно образование во странство со претходна нострификација на дипломата од страна на Министерството за образование и наука на Р.С.Македонија.
• Право на запишување имаат и кандидати  со  Диплома за завршено средно образование (кандидати завршени во учебната 2019/2020 година).
• Право на запишување имаат и студенти од други високообразовни установи, како и дипломирани лица по посебна постапка на трансфер на кредити, односно признавање на претходно положени испити - кредити.

• На прв циклус на студии на БАС може да се запишат кандидати кои се државјани на Р. С. Македонија и своето образование го завршиле во Р. С. Македонија; кандидати кои се државјани на Р. С. Македонија и кои своето образование го завршиле во странство (со претходна нострификација на образовната квалификација); кандидати странски државјани со завршено средно, вишо или високо образование на високообразовните установи во Р. С. Македонија или во странство (со претходна нострификација на образовната квалификација).

• На прв циклус на студии на БАС може да се запишат и кандидати странски државјанин со примена на начелото на заемност.

• Право на запишување на прв циклус на студии имаат кандидати кои од оправдани причини не се во можност да се запишат како редовни студенти за што се приложува соодветна документација во која се наведува причината за вонредно студирање, под целосна лична одговорност. Комисијата за запишување на студенти на прв циклус на студии ја утврдува оправданоста на причините за вонредно студирање. За оправдани причини се смета: работен ангажман, здравствени причини на кандидатот или други оправдани причини поткрепени со соодветна документација од страна на кандидатот, а одобрени од страна на Комисијата.
• Вонредните студенти се запишуваат според исти услови и критериуми како и редовните студенти.
• Запишаните вонредни студенти имаат можност дел или цела студиска програма да ја реализираат на далечина или преку синергирање согласно Правилникот за условите, критериумите, постапката и правилата за студирање на далечина на прв и втор циклус на студии на БАС.

• Право на запишување на прв циклус на студии на БАС имаат и студенти од други високообразовни установи, како и дипломирани лица со посебна постапка за трансфер на кредити, односно признавање на претходно положени испити. Право на запишување на прв циклус на студии на БАС имаат и кандидати – студенти кои преминуваат од една на друга високообразовна установа, односно од едни на други студиски програми во истата или од друга високообразовна установа со постапка за трансфер на кредити, односно признавање на претходно положени испити.
• Право на запишување на прв циклус на студии на БАС имаат и кандидатите – студенти кои преминуваат од една на друга високообразовна установа, односно од едни на други студиски програми во истата или од друга високообразовна установа од првото затворање на матичната книга до нејзиното второ затворање и при тоа да ги користи предностите на кредит трансфер системот, како и под други услови предвидени со Закон и подзаконски акти.
• Условите, постапката и начинот на пренесување на ЕКТС кредити и премин од една на друга студиска програма или од една на друга високообразовна установа се утврдени во Правилникот за единствениот кредит трансфер систем и премин од една на друга студиска програма, односно од една на друга високообразовна установа на БАС.
• Студентите со трансфер на кредити од други високообразовни установи се запишуваат според истите услови и критериуми како редовните студенти.
• При пријавувањето кандидатите задолжително треба да достават и доказ за претходно започнатото образование од другата/другите високообразовни установи (исписница, уверение за положени испити).
• Школарината за кандидатите со трансфер на кредити од други високообразовни установи се намалува во однос на вредноста на признатите (трансферираните) кредити. Вредноста на 1 ЕКТС е 23,33 евра во денарска противвредност.

• На прв циклус на студии може да се запишат студенти странски државјани под услови утврдени со Закон, Статут и други нормативни акти на БАС.

1. Диплома за положена државна матура, државна стручна матура или меѓународна матура (оригинал или нотарска заверка);
2. Свидетелства од сите години од средно образование (оригинал или нотарска заверка);
3. Додаток на свидетелство за завршена година на образование (важи за кандидатите кои завршиле четиригодишно средно образование од учебната 2016/2017 година);
4. Диплома за завршено средно образование (важи само за кандидати завршени во учебната 2019/2020 година)
5. Извод од матичната книга на родените (оригинал или нотарска заверка);
6. Уверение за државјанство (оригинал или нотарска заверка);
7. Кандидатот ја пополнува пријавата за запишување на БАС и заедно со комплет скенираните документи ги прикачува на интернет страницата на БАС во роковите за пријавување според Упатството за уписи.
8. Уверение за положени испити или Исписница од претходната високообразовна установа (важи само за студентите кои се запишуваат со трансфер на кредити од други високообразовни установи);
9. Доказ за спреченост за редовно посетување на настава (важи само за студентите кои се запишуваат како вонредни студенти).
10. Дополнителни документи за студенти странски државјани (Решение за привремен престој во Р. С. Македонија издадено од страна на Министерството за внатрешни работи на РСМ, решение за нострификација на дипломата за завршено средно образование издадено од Министерството за образование и наука во РСМ, диплома за завршено средно образование (апостил печат на дипломата за земјите потписнички на Хашката конвенција, а за останатите печат од Министерството за надворешни работи), оригинални свидетелства за секоја завршена година и превод на свидетелствата од овластен судски преведувач заверен на Нотар, оригинал извод од матичната книга на родените со превод од овластен судски преведувач заверен на Нотар, оригинал државјанство со превод од овластен судски преведувач заверен на Нотар, фотокопија од важечка патна исправа (пасош) заверена на Нотар, лекарско уверение за општата и психофизичката здравствена состојба на кандидатот издадено од овластено медицинско лице преведена на македонски јазик и со уредна нотарска заверка (HIV и HEPATITIS C статус) не постара од 6 месеци, сертификат/ потврда/ диплома за познавање на македонски јазик и други документи во случај на потреба и по барање на БАС во зависност од специфичноста на конкретен случај).

    Документите се доставуваат лично,во просториите каде ќе се реализира студиската програма, односно, во седиштето на БАС во Битола на ул.Херцег Нови бр. 6  или во Одделението за дисперзирани студии на БАС во Скопје Бул. Кузман Јосифовски Питу 19/4/21, секој ден, од понеделник до петок, од 08:00 до 17:00 часот.

• Студиите на прв циклус на студии на студиската програма по Бизнис менаџмент се со времетраење од 3 (три) студиски години, 6 (шест) семестри, освен за кандидатите со трансфер на кредити, каде времетраењето на студирањето зависи од бројот на трансферираните кредити.

По завршувањето на првиот циклус на студии и стекнувањето на потребните 180 ЕКТС кредити, студентот се стекнува со диплома за високо образование со назив Висок стручен бизнис менаџер или на англиски Bachelor of applied arts in  Business Management. Покрај акредитираната диплома, кандидатите добиваат додаток на диплома со опис на предмети и останатите остварувања на студентот во текот на студиите.

• Студиите на прв циклус на студии студиската програма по Маркетинг менаџмент се со времетраење од 3 (три) студиски години, 6 (шест) семестри, освен за кандидатите со трансфер на кредити, каде времетраењето на студирањето зависи од бројот на трансферираните кредити.

По завршувањето на првиот циклус на студии и стекнувањето на потребните 180 ЕКТС кредити, студентот се стекнува со диплома за високо образование со назив Дипломиран маркетинг менаџер или на англиски Bachelor of Marketing Management. Покрај акредитираната диплома, кандидатите добиваат додаток на диплома со опис на предмети и останатите остварувања на студентот во текот на студиите.

• Студиите на прв циклус на студии на студиската програма по Менаџмент на квалитет се со времетраење од 3 (три) студиски години, 6 (шест) семестри, освен за кандидатите со трансфер на кредити, каде времетраењето на студирањето зависи од бројот на трансферираните кредити.

По завршувањето на првиот циклус на студии и стекнувањето на потребните 180 ЕКТС кредити, студентот се стекнува со диплома за високо образование со назив Висок стручен  менаџер за квалитет или на англиски Bachelor of applied arts in Quality Management. Покрај акредитираната диплома, кандидатите добиваат додаток на диплома со опис на предмети и останатите остварувања на студентот во текот на студиите.

• Школарината за студирање на студиските програма по Бизнис менаџмент на прв циклус на студии на БАС изнесува 1400 Eвра годишно во денарска противвредност.
• Школарината за студирање на студиските програма по Маркетинг менаџмент на прв циклус на студии на БАС изнесува 1400 Eвра годишно во денарска противвредност.
• Школарината за студирање на студиските програма по Менаџмент на квалитет на прв циклус на студии на БАС изнесува 1400 Eвра годишно во денарска противвредност.
• Под одредени услови и за одредени категории на студенти БАС обезбедува и поволности во однос на висината и начинот на плаќање на школарината.